Bukti Bertuhan Atau Beragama
berita
Pikiran Bebas
Film Si Pitung 14 October 2021 09:00
Penulis

Dewan Pembina Yayasan Pustaka Harjuna

Salam lekom, bang Pitung”, ..”alekum salam, tumben luh Ji’ih ude lama banget kaga kemari?” “Iye bang, maklum habis keserempet covid juga aye nih, jadi kaga sempet nulis artikel di blog idola kite, Watyutink,” kata Ji’ih. “Pantes aje, aye cari-cari kemane lu ngumpet pade, ade ape nih sebetulnye?” kata bang Pitung datar. “Aye lagi belajar ngaji nih bang, di kong Yuti, anaknye almarhum haji Boim. Tapi jujur aye pusing bang, disuru ngapalin masale pikih, mumet pan,” kata Ji’ih sambil mendelik.

Dengerin, inti tujuan orang beragame itu sederhane, kalo kata guru kite kong haji Naipin, lu kudu kenal Tuhan ame ngenalin Tuhan ke semue,” Cuma itu doang. “Aye nyimak, bang,” kata Ji’ih. “Nyang dimaksud kenal Tuhan itu ibaratnye, lu kenal kopi, ya bukan cuman tau doang, tapi lu seruput tuh kopi rasanye bijimane, baru namanye lu kenal kopi. Begitu juge lu bilang kenal Tuhan, lu kudu bergaul langsung, jadi bukan lu baca buku doang, terus lu bilang kenal Tuhan, sipat Tuhan, bukan,” kata Pitung serius. “Lanjut, bang.”

Dan nyang aye tau, makna kenal Tuhan, lu sadar, bahwe sipat Kuase itu bukan punya manuse, sifat Bener bukan punya manuse. Artinye, lu kaga boleh ikut-ikutan ngerase kuase, pengin kuase, merasa berkuase, nyang laen lu anggap upil doang, itu lu sama aje nandingin Tuhan. Manuse sekarang pan agama cuman stiker doang, tapi hatinye .. ude pada jadi Tuhan semue,” kata Pitung makin naik nada suaranya. “Iye, bang..aye paham.

Satu lagi, selain jangan merase kuase, ame bener ..jangan ngerasa ato pe ngin cuman Kehendak lu doang nyang didenger, diwujudin, tapi bijiamen caranye kehendak lu ame kehendak nyang laen itu se irame, buat manpaat ber same, begitu”.“Tapi nyang aye liat emang gitu bang Pitung, orang beragame tapinye jangan kan manuse, Tuhan aje dirampas hak nye, tul ga bang?”, kata Ji’ih.

Betul, die beragame cuman buat wujudin kehendak pribadi doang, bukan kehendak Tuhan nyang pengin dikenal serta dikenalin ke seluruh ciptaan nye. Beragame itu artinye ber Tuhan, artinye lu buang jauh-jauh seluruh nyang menjadi hak Tuhan, baru lu disitu sah disebut hamba Nye.” “Iye bang.. lanjut aye masih nyiimak.

“itu baru tahap Kenal Tuhan, tahap berikutnye Kenalin Tuhan. Bijimane cara nye? Lu pan tau Tuhan Maha Kasih Sayang itu nyang mencipta alam ame seisi nye buat manpaat semue. Ya lu kudu seperti itu,” kata bang Pitung makin naik nada suaranya. “Maksudnye, bang?” kata Ji’ih.

Lu kudu bisa ngelahirin manpaat dari diri lu. Ibaratnye kalo dalam Falsafah Bhinneka Tunggal Ika, ada empat. (a) Kehendak lu kudu bisa ngelahirin kehendak nyang manpaat buat sesame ciptaan Nye, tanpa pandang suku ato agame, hewan, ibarat kate bangsa jin juge bise ngerasain manpaat kehendak, keinginan lu. (b) Pikiran lu juga kudu bisa ngelahirin konsep, ato buah pemikiran, rancangan, rencana nyang manpaat besar buat sesame (c) Perbuatan lu juga kudu bisa ngebuktiin ape nyang ude lu cita-citain ame lu rencanain buat manpaat besar umat (d) Bukti akhir hasil karye lu mane, karye nyang bisa bikin perubahan manpaat buat seluruh ciptaan Nye di tanah air kite. Bukti akhir itu nyang disebut akhlak,” kata Ji’ih.

Bujug buneng, kagak gampang ber Tuhan ber agame ya bang,” kata Ji’ih bari mukanya keliatan melas.

Jadi, kalo lu mau ngukur berape besarnye orang itu ber Tuhan ato ber aga me, kagak usah diliat dia jago apa kagaknya ngapalin ayat-ayat kitab suci, ato pengetahuan agame nye, itu sih gampang. Bukti nye !! ..bukti nye !! ..nyang lu amatin, karya nye ditengah umat. Jadi ikut jengkel aye nih ngeliat umat sekarang bisanye cuman ributin Tuhan doang,” kata bang Pitung mulai geram. Ji’ih nunduk, dia paham abangnya mulai naik pitam.

Ji’ih .. lu dengerin pade, kalo agame aje, Tuhan aje cuman dibuat stiker do ang, tempelan doang, dagelan doang, bijimane Pancasile??, pastinye nasib nye kaga beda, cuman dagelan doang. Dagelan agame, agame dagelan. Da gelan Tuhan, Tuhan dagelan. Dagelan Pancasile, Pancasile dagelan..terus kalo semue nye pade dagelan doang, negeri ini mau dibikin ape buat keturun an kite nanti !!, negeri dagelan, dagelan negeri, hah !!? ..dagelan doang lu pade!!”, kata Pitung kembali, kali ini matanya sudah menyala panas.

Ji’ih tau abangnya sudah makin memuncak marahnya. “Iye, bang. maapin aye bang Pitung, minte doanye aye mau lanjut dulu ngurusin kebon. Salam lekom bang,” kata Ji’ih bari pamitan.

 

Sudah dua buku yang saya tulis dan terbitkan, pertama dicetak 1,000 exemplar dibagikan gratis, buku kedua ialah Pengantar Falsafah Bhinneka Tung gal Ika, dicetak sebanyak 2,000 exemplar dan juga sudah habis gratis diba gikan, yang tersisa hanya versi e-book-nya saja. Bagi sodara ku yang ingin mencetak ulang, monggo .. gratis tanpa ada royalti royaltian.

Monggo kunjungi link-nya juga untuk dapat melihat video-video yang sudah kami sajikan melalui flatform youtube klik pada tanda pagar di bawah ini..

 

#THSToday73

Untuk bukunya silahkan klik Falsafah Bhinneka Tunggal Ika

Salam Kerukunan,

Teguh Handoko Susilo (THS) ||#73||Sebagai Penulis dan Pembina Yayasan Pustaka Harjuna.

 

* Konten ini adalah kiriman dari user, isi konten sepenuhnya menjadi tanggung jawab penulis/kreator/user. Ingin membuat konten di Watyutink? Klik di sini!

SHARE ON

PILIHAN REDAKSI

close

TOPIK TERPOPULER

PENALAR

PILIHAN REDAKSI

PENALAR TERPRODUKTIF